ORARIS DEFINITIUS DES ACTIVITATS ENTATH CORS 2017-18

 

A compdar deth diuendres dia 3 de noveme se barrarà eth mes de pròva, e per tant, sonque era mainadèra que sigue inscrita enes activitats i poirà participar. Encara quèden activitats damb places disponibles, d’autes  son plies e dauriram listrats de demora e fin finau n’i an per manca de participaires seràn barrades. Ara seguida vos mostram er estat de cada activitat, es siguen ena hilèra deth semafor de color vèrd son es qu’encara permeten inscripcions pr’amor qu’i an places disponibles, dejós deth semafor auriò plaçaram es activitats que son plies e que s’i voletz participar calerà demorar a que se produsisque ua baisha, e en semafor vermelh plaçam aquères activitats qu’enguan non se desvoloparan.

Clicatz aciu entà saber er estat des activitats:

estat activitats

 

 

 

Anuncios

ORARIS PROVISIONAUS

Vos presentam es oraris provisionaus des activitats aufrides entath cors 2017-18. Pendent tot eth mes d’octobre er accés as activitats serà liure e se poiràn provar tantes activitats coma se volguen. A compdar de noveme sonque i participarà era mainadèra qu’age presentat era sollicitud formau, en foncion dera quau, s’ampliaràn, se redusiràn o eliminaram grops o activitats.

ORARIS AEE 2017-18 PROVISIONAUS

Començam eth cors esportiu 2017-18

Arribe octobre, e coma cada an des de hè 10, era Associacion Esportiva Escolara dera Escòla Garona de Vielha comence eth cors esportiu en tot aufrir activitats entara mainadèra de P4 enquiara de 6au.

Activitats entàs escolans e escolanes de P4 e P5:

  • Baby Ping (iniciacion entath tennis de taula)
  • Expression corporau.  Nauetat
  • Iniciaicon Fotbol Sala
  • Iòga
  • Jòcs e espòrts

Activitats entàs escolans e escolanes d’Educacion Primària (des de 1èr enquia 6au):

  • Activitats de Circ
  • Atletisme-Hòquei-Fotbòl Sala
  • Baby Ping (iniciacion entath tennis taula)
  • Basquetbòl- Handbòl-Voleibòl
  • Balh Modèrn
  • Escacs
  • Espòrts de Raqueta (Badmintòn-Tennis-Paddle)
  • Fotbòl Sala Femenin
  • Gimnastica Esportiva
  • Gimnastica Ritmica
  • Iòga
  • Rugby
  • Tennis Taula
  • Teatre
  • Zumba

Escuelhetz çò que mès vos agrade o provatz quinsevolha, dilhèu encara non sabes quin ei eth tòn espòrt favorit…